Суҳроб Неъматов яна “Бухоро”га қайтди

Мухлислар яхши билишса керак, 32 ёшли ярим ҳимоячи мавсумни ПРО-Лига вакили “Сурхон” жамоасида бошлаганди. Ёзги трансфер чоғида термизликлар бир қатор етакчи футболчилари билан хайрлашди. Эътиборлиси уларнинг орасида Неъматов ҳам ўрин олганди. Шунга қарамай, Суҳроб кўп вақт жамоасиз қолгани йўқ. Сабаби “Бухоро” бош мураббийи Улуғбек Бақоев тажрибали футболчини яна жамоасига қайтарди. Эндиликда у яна Суперлигада ўйнамоқда.

Яна шуни ҳам айтиб ўтиш лозимки, давралар оралиғида "Бухоро"га иқтидорли футболчи Элбек Равшановни қайтгани ҳақида хабар берилганди. Аммо кейинчалик 22 ёшли футболчи "Сурхон"га ўтишга қарор қилган.