Суҳроб Неъматов: "Очилиш учрашувида мухлисларимизни хурсанд этишимиз шарт эди"

Феруз Бобоқуловнинг ўйинда киритган ягона голи бухороликларга қимматли уч очкони келтирди. Учрашувдан сўнг жамоа сардори Суҳроб Неъматовдан блиц-интервью олдик.

- "Нефтчи" билан ўйин чемпионатнинг очилиш баҳси бўлгани учун ҳам илк учрашувда мухлисларимизни фақат ғалаба билан хурсанд қилишимиз керак эди. Буни жуда яхши ҳис этгандик. Худога шукур, ўз майдонимизда чемпионатни омадли бошладик  дея гап бошлади Суҳроб Неъматов.

- Биласизми шу куни майдоннинг холати ҳар иккала жамоага ҳам панд берди. Чунки бундай майдонда комбинацион ўйин намойиш этиб бўлмасди. Тўпни назорат қилиш ҳам осон эмас. Шу боис ташаббус тўлиқлигича бир жамоа томонида бўлди деб бўлмайди. Бир сўз билан айтганда, тенг курашлар остида кечган баҳсда Бухоро ғалаба қозонди.

 - "Нефтчи"нинг ҳам ўйини ёмон таассурот қолдирмади. Бу жамоа таркибида маҳоратли ўйинчилар талайгина. Янгитдан шакллантирилган клуб кейинги турларда ўзини кўрсатади деб ўйлайман.

- Кейинги турни яна ўз майдонимизда ўтказамиз. Энди бу сафар "Навбаҳор"ни қабул қиламиз. Бўлажак ҳам биз учун осон кечмаслиги турган гап. Лекин биз шунга қарамай фақат ғалаба учун майдонга чиқамиз.

- Ўзингизга яхши маълумки, "Бухоро" таркиби ҳам бу йил деряли янгитдан шакллантирилди. Ҳозирча футболчилар билан бир-биримизни тўлиқ тушуниб кетдик дейиш қийин. Бу вақтинчалик холат менимча. Чунки ўйиндан-ўйинга мураббийимиз истаётган даражага чиқамиз.

Исломбек Рустамбеков суҳбатлашди.