UZ

Сўнгги янгиликлар

08:26Артета мағлубиятдан сўнг нималар деди?  1 08:05ЕЧЛ. ПСЖ биринчи ўйинда ғалаба қозонди, "Арсенал"нинг голи ҳисобга олинмади  1 07:58Анчелоттининг Бразилия билан келишуви барбод бўлиши мумкин, Нега?  1 07:30Ўзбекистон кубоги. Бугун 2-тур якунланади  0 01:54ЕЧЛ. ПСЖ Лондонда "Арсенал"ни таслим этди  99 00:30Вадим Абрамов: "Ҳар қандай ҳолатда ҳам биринчи ўринда қоламиз"  1 00:15"Ал Аҳли" "Ал Ҳилол" устидан ишончли ғалаба қозониб, Элит ОЧЛ финалига йўл олди!  27 23:50Февзи Давлетов: "Афсуски, йўл қўйган иккитагина хатомиз туфайли мағлуб бўлдик"  1 23:35Эрик Дайер "Бавария"ни тарк этади. Унинг кейинги жамоаси аниқ  0 22:49Мендининг жароҳати жиддий бўлиб чиқди  2 22:20Кетма-кет иккинчи мавсум Ўзбекистон Кубогининг амалдаги ғолиби гуруҳдан чиқа олмади  25 21:40"Лочин" бош мураббийи Сардор Тўхтаев: "Андижон" — бизни икки карра кўпроқ куч билан ўйнашга ундайдиган жамоа"  10 21:15Ўзбекистон кубоги. "Сурхон" ўз майдонида "Динамо"га мағлуб бўлди, "Андижон" гуруҳда қолиб кетди  22 20:55Ўзбекистон Кубоги. "Сўғдиёна" ўз майдонида йирик ғалаба қайд этди  2 20:35Александр Хомяков: "Футболда ишонч ва хоҳиш кўп нарсани ҳал қилади"  34

Степан Атоян: "Ўзбек футболида инфратузилма жиҳатидан катта ўзгаришлар амалга оширилмоқда" Янгиликлар

Степан Атоян: "Ўзбек футболида инфратузилма жиҳатидан катта ўзгаришлар амалга оширилмоқда"

Айни дамда Греция давлатида яшаб келаётган Фарғонанинг "Нефтчи" клуби таниқли собиқ вакилларидан ҳисобланган Степан Атоян куни кеча Фарғона давлат университетининг "ФарДУ" клуби қароргоҳига ташриф буюриб, клубда мавжуд шароитлар билан танишди.

Фурсатдан фойдаланиб сайтимиз мухбири собиқ таниқли футболчи билан қисқа интервью ташкиллади.

- Айтингчи, сизнинг Ўзбекистонга ташрифингиздан кўзланган мақсад нималардан иборат?


- Биласиз, бу йил Ўзбекистон миллий терма жамоаси 1994 йилги Осиё ўйинларида ғолибликни қўлга киритганига 30 йил тўлди. Шу муносабат билан Ўзбекистон футбол ассоциацияси таклифига кўра, юбилей учрашувида иштирок этиш учун Ўзбекистонга келдим.




- Сиз футболчилик фаолиятингизни якунлаганингиздан сўнг ҳозирги кунда Греция давлатида яшаб келаяпсиз. Ортда қолган давр мобайнида ўзбек футболини кузатиб бораяпсизми?

- Албатта, мунтазам кузатиб бораман. Ўзим ўйнаган чемпионат, футболчилик фаолиятимнинг энг ёрқин дамлари шу ерда ўтган. Шу боисдан ҳам имконият бўлиши билан Ўзбекистон Суперлигаси доирасидаги ўйинларни кузатаман. Мана шу йилдан Фарғона давлат университетининг "ФарДУ" клуби Биринчи лигада ўйнаяпти. Жамоада дўстларим Сергей Лебедев ва Абдусамад Дўрмоновлар иш олиб боришади. "ФарДУ" иштирокидаги ўйинларни ҳам интернет тармоғи орқали кузатиб бораяпман. Бугун мана клуб қароргоҳида келдим, шароитлар ва мақсадлар жуда юқори. Бу ерда ҳақиқий футбол муҳитига гувоҳ бўлдим.

- Сиз Грецияга кетганингиздан буён ҳозирги кунда ўзбек футболида қандай ўзгаришларни сездингиз?


- Албатта, ҳозирги кунда ўзбек футболида инфратузилма жиҳатидан жуда катта ўзгаришлар амалга оширилмоқда. Чемпионатлар ташкилотчилиги ҳам профессионал даражада. Муҳташам стадионлар, майдонлар. Барчасини ижобий баҳолаган бўлардим.




- Ўзбек футболида легионерга айланган футболчилар бор. Масалан Элдор Шомуродов, Аббосбек Файзуллаев каби. Улар ҳақидаги фикрларингиз қандай?


- Сўнги йилларда ўзбек футболчиларининг хориж клубларига трансфер қилинаётгани бу ўзбек футболининг ютуғи деб ўйлайман. Легионерга айланган футболчилар қанчалик ўзларини кўрсатишларига қараб бу жараён давомий бўлади. Элдор Шомуродов ҳақида биламан, Аббос Файзуллаевни ҳам. Мана ҳозир Францияда чемпионатида ёш футболчи Абдуқодир Ҳусанов ўйнаяпти.

- Футболчилик даврларингиз ва Ўзбекистонни соғинасизми? Қандай таассуротлар бор?


- Албатта, мен учун тарихий ва энг ёрқин хотиралар шу ерда қолган. Ҳар доим соғинаман.


Бекзод Толибов ёзиб олди.

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика