"Стад де Франс" ПСЖ ўйинларини қабул қилишга тайёр
23 янв 2023 15:33
Янгиликлар

"Стад де Франс" ПСЖ ўйинларини қабул қилишга тайёр

"Стад де Франс"ни бошқарадиган VINCI Concessions компанияси президенти Пьер Коппи ПСЖ ўйинларини ўтказишга тайёрлигини айтди.

"Биз ПСЖга ўттиз йилдан бери "Стад де Франс"да ўйнашни таклиф қилмоқдамиз. Аммо раҳбарият ва мухлислар ҳар доим уларга бу қизиқ эмаслигини айтиб келган", – деди Коппи.

Аввалроқ ПСЖ раҳбарияти уй стадионини реконструкция қилиш ва арена сиғимини оширишга тайёрлиги хабар қилинганди. Бироқ Париж клуби стадионни тўлиқ назоратга олган тақдирдагина қурилишга сармоя киритишга тайёрлигини айтиб, 40 миллионлик таклиф билан чиққан. Франция клуби Евро-2016 учун мўлжалланган стадионни реконструкция қилишга 85 миллион евро сармоя киритган. Клуб аренани 30 йилга ижарага олган. Париж мэри Анн Идальго "Парк де Пренс" стадиони ПСЖга сотилмаслигини таъкидлаб ўтган.

ПСЖ 19-турдан сўнг 47 очко билан Лига 1 турнир жадвалида пешқадамлик қилмоқда.

Ҳавола :

Манба : RMC Sport

Янгиликларни Телеграмда ўқинг!

Рейтинг: +2