UZ

Сўнгги янгиликлар

05:08Илёс Зейтуллаев: "Тарихий жамоанинг бир бўлаги бўлиш учун аста-секин шаклланяпмиз"  0 02:43А Серия. "Милан"дан сўнг "Интер" ҳам 0:2ни 3:2га айлантирган ҳолда ғалаба қозонди  2 00:52Суперлига. "Бунёдкор" ва "Нефтчи" ўртасидаги Тошкентдаги ўйинда 4та гол урилди  0 00:43"Барселона" — "Осасуна" ўйини бугун ўтказилмайди, бунга каталонияликлар тиббий штаби вакилининг вафоти сабаб бўлди  15 00:25Суперлига. "Қўқон-1912" ва "Андижон" ўзаро дуранг ўйнашди  0 00:11Февзи Давлетов: "Ўйиннинг бошида ўтказиб юборилган гол бизга салбий таъсир қилди"  2 00:00А Серия. "Милан" меҳмонда "Лечче"га қарши ўйинда даҳшатли камбэк қайд этди  5 23:57Виталий Левченко: "Чемпионатнинг биринчи ўйини бўлгани учун дастлабки дақиқаларда жамоамда саросима ва ҳаяжон кузатилди"  20 23:23"Манчестер Сити" ўз таркибини "Реал" хавбеки билан кучайтирмоқчи  3 23:00Франция чемпионати. ПСЖ меҳмонда "Ренн"ни йирик ҳисобда мағлуб этди  5 22:53Александр Хомяков: "Бу ўйин натижасини жанговор дуранг деб ҳисоблайман"  6 22:50Баҳром Ҳайдаров: "Дуранг адолатли натижа бўлди деб ҳисоблайман"  5 22:30Суперлига. "Қўқон-1912" - "Андижон" 1:1  5 22:27МЮ Матетани сотиб олиш бўйича музокараларни бошлади, "Кристал Пелас" 40 млн фунт талаб қилмоқда  7 22:05АПЛ. Ҳусанов Премьер-лигадаги 5-ўйинини ўтказди, "Манчестер Сити" сафарда мағлуб бўлди  13

Сречко Катанец: "Сурия тўқсон дақиқа ҳимояланди. Қандай гол уришни била олмадик" Янгиликлар

Сречко Катанец: "Сурия тўқсон дақиқа ҳимояланди. Қандай гол уришни била олмадик"

Осиё кубоги биринчи туридан ўрин олган Ўзбекистон - Сурия (0:0) учрашувидан сўнг терма жамоамиз бош мураббийи Сречко Катанец матбуот анжуманида қатнашди.

- Жаноб Катанец, ўйин ҳақидаги фикрингиз қандай?

- Натижадан қониқмадим. Бутун ўйин давомида ҳужумлар қилавердик, аммо гол ура олмадик. Йигитларга ҳеч нарса дея олмайман. Сурия 90 дақиқа ҳимояланди. Қандай гол уришни била олмадик. Бошқа айтадиган гапим йўқ.

- Бугун Элдор йўқ эди. Терма жамоангизнинг асосий ўйинчисиз ўйнаш қанчалик қийин бўлди?

- Элдор энг муҳим ўйинчимиз эди. У Ўзбекистон термасига келганимдан бери 10-15 та гол урди. Элдор ҳар сафар жамоага кўпроқ нарса бераверарди. Жамоада энг зўр ҳужумчингиз бўлмаса, доим қийин бўлади. Бундай мусобақаларда Элдорсиз муаммоларга дуч келишимиз аниқ эди. Аргентина ҳам Месси бўлмаса умуман бошқа жамоага айланади. Бизда ҳам ҳолат шундай.

- Бешта ҳимоячи билан ўйнаш режаси қанчалик ўзини оқлади?

- Режа жуда зўр ўхшади. Бешта ҳимоячи билан ўйнамадик. Учта ҳимоячи ва иккита латераль эди.

- Сурия терма жамоаси кўрсатган ўйин ҳақида фикрингиз қандай?

- Мен рақиб бунчалик зич ҳимояланишини кутмагандим. Бу ноқонуний эмас, албатта. Сурия терма жамоаси шунчаки бункер қурди. Сиз рақиб қандай ўйнаса, шунга мослашишингиз керак. Ҳимоявий ўйнаш айб эмас. Тажрибамда кўп ўйинларни шу тарзда ютқазганман.

- Биринчи турдан сўнг гуруҳдаги вазият ҳақида фикрингиз қандай? Иккинчи турда Ҳиндистонга қарши ўйин ўтказасиз. Бу ўйин ҳақида қандай фикрдасиз?

- Нормал фикрдаман. Уларни мағлуб қилишимиз керак. Мен баъзан атрофдан терма жамоалардаги муаммолар ҳақида ҳар хил гаплар эшитиб қоламан. Кимнидир танқид қилишдан олдин унинг ҳолатини билишимиз керак. Сизнинг саволингизни эса тўғри тушундим. Ҳиндистонни мағлуб қилишимиз керак. Майдонда футболчилар ўйнашади ва гол уришни улар уддалашлари лозим.

- Сиз терма жамоа ичидаги муаммо деганда Ўзбекистон терма жамоасидаги муаммо ҳақида гапирдингизми?

- Мен умумий қилиб айтдим. Бизда ҳаммаси яхши.

- Биринчи ўйин жуда муҳим дедингиз. Устунлик қилган бўлсангиз ҳам ғалаба бугун қозона олмадингиз. Бу жамоага руҳан таъсир қилиши мумкинми?

- Йўқ, таъсир қилмайди. Бизда ҳаммаси яхши. Бир очкони қўлга киритдик.

- Бугунги ўйиндаги ҳужумчиларнинг ўйинидан қониқдингизми? Бутун ўйин давомида икки марта аниқ зарба бера олдик. Масалан, нега Сергеевга кеч имконият берилди?

- Бизда ҳужумчилар билан муаммо бор, гол уришда қийналяпмиз. Муаммо фақат ҳужумчиларда эмас. Тўп билан секин муомала қиляпмиз, бироз тезкорроқ ҳаракат қилиш керак. Шундагина, бўш зоналар очиб, гол уришимиз мумкин бўлади.


Жалолхон Иноғомхўжаев ёзиб олди

Рейтинг: +20   

Фикрлар

championat.asia
< сўнгги янгиликларни кўриш
Яндекс.Метрика