Спортни ривожлантириш вазирлигида Аргентина элчиси билан учрашув бўлиб ўтди

Учрашувда Ўзбекистон футбол ассоциацияси биринчи вице-президенти Равшан Эрматов, Ўзбекистон миллий олимпия қўмитаси Бош котиби Ойбек Касимов иштирок этди.

Суҳбат давомида икки мамлакатлар ўртасида спорт соҳасидаги ҳамкорликнинг ҳозирги ҳолати, келгусидаги истиқболлари ва ҳамкорлик режалари муҳокама қилинди.

Элчи жаноблари Аргентина Янги Ўзбекистонни ривожлантириш стратегиясининг амалга оширилиш жараёнини катта қизиқиш билан кузатаётганини, бу борада Ўзбекистон билан ҳамкорликни ҳар томонлама ривожлантиришни устувор вазифа деб билиши ва икки томонлама алоқалар йўлида қатъий амалий чоралар кўришга тайёр эканлигини маълум қилди.

Спортни ривожлантириш вазири Адхам Икрамов томонидан ҳам Аргентина мамлакати спорт соҳасида, хусусан футболда кўплаб ютуқларга эришгани ва бу борада Ўзбекистон футболи учун катта тажриба алмашиш учун яхши имконият эканлигини таъкидлади.

ЎФА биринчи вице-президенти Равшан Эрматов Аргентина футболи жаҳон миқёсида улкан нуфузга эга эканлигини қайд этиб, иккала мамлакатнинг барча ёш тоифаларида, хусусан, миллий терма жамоалар ҳамда клублар ўртасида ўртоқлик учрашувларини ўтказиш, футбол мураббийларини тажриба алмашиш учун Аргентина мураббийлар марказига юбориш юзасидан ўз таклифларини билдириб ўтди.

Элчи жаноблари Эдуардо Антонио Зуайнни мазкур таклифларни қўллаб қувватлаган ҳолда, ҳамкорликка тайёр эканлигини маълум қилди.

Учрашув давомида келгусида ҳамкорликда ташкил этиладиган тадбирлар ҳамда лойиҳалари муҳокама қилинди.