“Сўғдиёна-W” қисқа таътилдан сўнг яна йиғинга киришди

Мураббийлар штаби томонидан берилган қисқа таътилдан сўнг жамоа бугун ўз қароргоҳига йиғилди ва машғулотларга киришди.

Гулнора Азамова бошчилигидаги жамоа ҳар куни икки маҳал машғулотлар олиб боришмоқда. Машғулотлар “Сўғдиёна” стадионидаги сунъий қопламали майдона олиб борилмоқда.

Айни кунларда жамоада Нодира Искандарова, Ситора Такабоева, Гулчехра Қаюмова, Ситора Жумабоева, Светлана Валиева, Нафиса Набиқулова, Буврахима Холиқулова, Шахзода Файзуллаева, Нодира Туранова, Дурдона Бурханова, Дилноза Зиятова, Мухлиса Мардиева, Нозима Ҳасанова иштирок этишмоқда. Дарвозабонлар билан эса тажрибали мураббий Фарҳод Юлдашев машғулотлар олиб бормоқда.

Йиғинга бир нечта футболчилар ҳам келиб қўшилган. Айни дамда улар кўрикда бўлиб туришибди. Мураббийлар штаби жамоага келган футболчиларни синовдан ўтказиш мақсадида йиғин давомида бир нечта ўртоқлик учрашувларини ўтказишни режалаштирган. Улардан бири айни кунларда “Олмалиқ-W” жамоасига қарши бўлиб ўтиши кутилмоқда.