Аргентина Футбол Ассоциацияси терма жамоа бош мураббийи Лионель Скалони билан шартномани узайтиради. Бу ҳақда журналист Гастон Эдул хабар бермоқда.
Манбага кўра, томонлар 2026 йилнинг июлигача янги шартнома имзолайди. Тез орада расмий эълон қилиниши кутилмоқда.
Скалони Аргентина терма жамоасини 2018 йилдан буён бошқариб келмоқда. Унинг қўл остида "альбиселесте" Америка Кубоги ва Жаҳон чемпионатида ғолиб чиқди.
