Симеоне "Севилья" билан ўйиндаги мағлубиятга изоҳ берди

"Ўйин қийин ўтди. Шундай бўлишини кутгандик ҳам. 30-дақиқадан кейин биз яхшироқ ўйнай бошладик, аммо кўп хавфли вазият ярата олмадик. Танаффусдан сўнг биз яна кучайдик. Тайм ўртасигача ўйин тенг ўтди. Кейин эса гол ўтказиб юбордик. Эрмосо ва Корреа голли вазиятдан фойдалана олмади. 

Биз ҳаракатда давом этиб, кейинги ўйинларга яхши тайёргарлик кўришимиз лозим. Кейинги ҳафтада барча футболчилар ихтиёримизда бўлишади. Аммо ўйнай олмайдиган бир неча футболчимиз ҳам бор (Суарес ва Льоренте 5-сариқ карточка сабаб кейинги ўйинни ўтказиб юборади).

9 та ўйин қолди, биз эса яхшилаб тайёрланишимиз керак", - деди Симеоне.