"Матрасчилар" устози Ла Лиганинг илк тури доирасида "Хетафе"га қарши ўйин олдидан ўтказилган матбуот анжуманида Криштиану Роналдунинг трансфери ҳақидаги саволга қуйидагича жавоб берди:
"Футболчиларнинг трансферлари тўғрисидаги бу каби миш-мишлар одатий ҳолга айланди. Мен ҳозирда фақат "Хетафе"га қарши бўлажак ўйин ҳақида ўйлаяпман, мени ташвишга солаётган ягона нарса шу", — деди Симеоне Испаниянинг Sport нашрига берган интервьюсида.
Аввалроқ Криштиану Роналдунинг агенти ҳужумчини "Атлетико"га таклиф қилгани ҳақида хабар берилганди.
