Силва ёзда "Манчестер Сити"ни тарк этиши мумкин

Клублар ўртасида музокаралар кетмоқда. Силва ўзи тарбияланувчи бўлган "Бенфика"га қайтадиган бўлса, маошининг пасайишига рози бўлишга тайёр. "Манчестер Сити" жорий мавсумдаги энг омадсиз натижалар фонида таркибни янгилаш учун 30 ёшли футболчини сотиши мумкин. Силвага "Барселона" ҳам қизиқиш билдирмоқда.

Силва жорий мавсум барча мусобақаларда 41 та ўйинда майдонга тушиб, 3 та гол урди ва 4 та голли узатмани амалга оширди. Унинг "Манчестер Сити" билан шартномаси 2026 йилнинг ёзигача амал қилади. Transfermarkt маълумотларига кўра, футболчининг бозор нархи 45 миллион еврони ташкил этади.