Швайнштайгер Погба ҳақида: "Уни тўхтатиб қолиш керак эмас"
30 июл 2019 12:51
Янгиликлар

Швайнштайгер Погба ҳақида: "Уни тўхтатиб қолиш керак эмас"

"Чикаго" ярим ҳимоячиси Бастиан Швайнштайгер "Манчестер Юнайтед" ярим ҳимоячиси Поль Погба ҳақида фикр билдирди.

- Агар ўйинчи клубдан кетишни хоҳласа, сиз уни тўхтатиб қолишингиз керак эмас. Поль - ажойиб ўйинчи, у шунчаки Франция терма жамоаси билан бир хил услубда ўйнайдиган жамоа қидирмоқда.

Олдинроқ, ҳужумчи Гарет Бэйлнинг Хитойга трансфери амалга ошса, "Реал" Погба учун МЮга 150 миллион фунт таклиф қилиши хабар қилинган эди.

Франциялик футболчининг маоши ҳафтасига 600 минг фунтни ташкил этади.

26 ёшли Погба якунланган мавсум МЮда 47та ўйинда майдонга тушиб, 16та гол ва 11та ассистга эришган. Унинг инглиз клуби тузган шартномаси 2021 йил 30 июнга қадар мўлжалланган. Transfermarkt футболчини 100 миллион еврога баҳолаган.