Шуҳрат Мақсудов: "Бунёдкор"дан ҳам ёмон майдонда ўйнашди. Аммо..."

Ўйин ҳақида

Икки турдан буён шогирдларимнинг ўйинидан қониқаётгандим, бироқ натижа ҳавас қиларли эмасди. Бугунги ўйинда улар кўрсатмаларни тўлақонли амалга оширишди. Хатолар ҳам бўлди. Меҳнат қилиш замирида албатта, хатолар бўлади. Йигитларга, шунингдек, мухлисларга миннатдоричилигимни билдириб қоламан. Раҳбарлар ҳамда ҳомийларни ҳам чин қалбимдан табриклайман. "Локомотив" жамоасига келгуси ўйинларда омад тилайман. 

— Икки бўлимни солиштирадиган бўлсак, "Бунёдкор" биринчи бўлимда узун паслар билан ўйнашга ҳаракат қилди. Иккинчи бўлимга келибгина, жамоа ўз услубида ҳаракат қила бошлади. Бу ўйин учун тайёрланган режамиди? 

— Юқорида таъкидлаганимдай, йигитларда иштиёқ юқори. Таркибимиз ёш, академия тарбияланувчилари саналади. Шу боис, бундай ҳолатлар ўйинда юзага келиши табиий. Танаффусда керакли кўрсатмаларни бердик. Иккинчи бўлимда эса ўз услубимизда ўйнашни бошладик. Натижа яхши бўлди. Бироқ футбол 90 дақиқа давом этади. Хотиржамликка берилиш оқибатида гол ўтказиб юбордик. Бу ҳам бизга сабоқ бўлади. Келгусида ўйинларда охиригача бўшашмасдан тўп тепишга ҳаракат қиламиз. Ўйиндан ўйинга ривожланамиз, дея умид қиламан. 

— Майдон ҳолати ҳақида гапирсангиз.

— Мен ўйиндан олдин ҳам майдон ҳолати яхшилигини таъкидлагандим. Бундан ёмонроқ майдонларда ҳам ўйинлар ўтказилди. Майдон борасида эътирозим йўқ. 

— Усмонали Исмоналиев "Андижон"да, яъни стандартлар ва узун паслар орқали ўйнайдиган жамоада тўп тепган. "Бунёдкор" эса бошқа услубдаги жамоа ҳисобланади. Уни жамоага жалб қилинишини қанчалик тўғри деб ўйлайсиз?

— Йил сўнгида жамоамизни кўплаб ўйинчилар тарк этди. Унинг тўпурарлик маҳоратини инобатга олиб, жамоага олиб келдик. Исмоналиев ҳозирда тикланиш жараёнида. Унинг тез орада формага қайтишига умид қиламиз.

— Иброҳим Гбадамоси нега Туркия сафарига олиб кетилмади?

— Уни аввал ҳам айтганман, виза масаласи билан боғлиқ муаммолар сабабли уни қолдиришга мажбур бўлдик. У билан домий алоқада бўлиб турдик.