Шота Арвеладзе: "Натижадан кўнглим тўлди"

Учрашувдан кейинги матбуот анжуманининг иккинчи қисмида тошкентликлар устози Шота Арвеладзе иштирок этди.

"Жуда ҳам тиғиз тақвим ва ҳавонинг иссиқлиги туфайли бугунги кунда футболчиларга жуда қийин. Биз қанчалик тайёргарлик кўрмайлик, барибир ёзнинг чилласида футбол ўйнаш осон эмас. Умид қиламизки, тез орада ҳаво ҳарорати тушади. Ўйинда яхши ҳаракат қилдик, аммо камчиликлар ҳамон бор. Ҳужумларни якунлашда, сўнгги пас ва якуний зарбани беришда оқсаяпмиз. Натижадан кўнглим тўлди, мана шундай иссиқ ҳавода 90 дақиқа яхши ўйнаган футболчиларимга раҳмат айтаман. Энг муҳими, ҳеч ким майдонда ҳаво ҳарорати сабаб ётиб қолмади. Исмоил Гонсалвеш ўйинга яхши киришиб кетди, тўғри таъкидлаганингиздек, у фақатгина марказий ҳужумчи бўлиб эмас, қанотда тўп тепувчи вингер бўлиб ҳам ўйнай олишини кўрсатди", - деди Арвеладзе.