Шота Арвеладзе: "Абдураҳимов иккинчи бўлимда энг яхши футболчи бўлди"
02 мар 2018 22:48
Янгиликлар

Шота Арвеладзе: "Абдураҳимов иккинчи бўлимда энг яхши футболчи бўлди"

Суперлиганинг 1-тур доирасидаги "Пахтакор" - "Сўғдиёна" (2:0) учрашувидан кейинги матбуот анжуманида "шерлар" бош мураббийи Шота Арвеладзе ўйин ҳақидаги фикрлари билан ўртоқлашди.

- Биринчи навбатда барчани янги мавсум билан табриклайман. Интизорлик билан кутилган футбол мавсумига старт берилди. Суперлигани ғалаба билан бошлаганимиз қувонарли ҳолат. Қийин учрашувни ўтказдик. Бугун рақибдан кўра кўпроқ вазият яратдик. "Сўғдиёна" биринчи бўлимда фақатгина биргина зарба йўллади.

Иккинчи бўлимда Раҳматуллаевни майдонга тушуриш орқали майдон марказидаги ўйин яхшиланди. Танаффусда футболчиларга олдинги чизиқда кўпроқ ҳаракат қилишни, ҳужум орқали рақибга кўпроқ босим уюштиришни уқтиргандим. Бизга ғалаба зарурлиги ва мавсумни уч очко билан бошлаш ниҳоятда муҳимлигини айтиб ўтдим. Танаффусдан кейин жамоамиз ташаббусни буткул ўз қўлига олди ва ҳақли равишда ғалаба эришдик.

Нафақат бизда, балки чемпионатдаги бошқа кўплаб жамоаларда ҳам кучли таркиб мавжуд. Чемпионат барибир 15 футболчи билан ўтказилади. Афсуски биз ОЧЛда иштирок этмаймиз. Учинчи фронтда ҳам иштирок этганимизда яна бир нечта футболчиларга эҳтиёж сезиларди.

Баҳром Абдураҳимов иккинчи бўлимда энг яхши футболчи бўлди. Демак уни қанотда эмас, балки ҳужумчи ортида ўйнатган кўпроқ фойда. Бу мени шахсий фикрим. Чемпионат ҳали энди узоқ давом этади. Бизни жуда қизиқарли ва қизғин ўтадиган Суперлига кутмоқда.

Ҳавола :

Манба : championat.asia

Янгиликларни Телеграмда ўқинг!

Рейтинг: +18