UZ

Сўнгги янгиликлар

02:00Olamsport: Жаҳон чемпиони бўлган ўзбек боксчиси учун 100 минг доллар, Бобоусмон Шаҳрамни мағлуб этган ва бошқа хабарлар  0 01:14Алли: “Биз Кейнсиз ҳам ўйнай олишимизни исботлаганмиз”  0 00:46"Қизилқум" футболчилари пойтахтда тиббий кўрикдан ўтишди  0 00:33“Бавария” “Тулуза”га рад жавобини берди  1 23:57МЮ Дембеле учун 50 миллион евро таклиф этмоқчи  3 23:26Расман: Жамшид Искандеров Ж.Корея юқори дивизиони жамоасига ўтди  22 23:25Пауло Дибала: “Яна Погба билан голларни бирга нишонлашимизга ишонаман”  1 22:58Сами Хююпя: “Ван Дейк – дунёнинг энг яхши марказий ҳимоячиси”  14 22:25Лэмпард Каванининг трансфери ҳақида гапирди  3 21:57МЮ қишда Санчесни қайтариб ола олмайди  5 21:41Бэйл кетишни истамаяпти  8 21:35Расмий хабар: «Реал» «Фламенго»дан 18 ёшли футболчини сотиб олди  21 21:27Эвра: "Погбанинг кетадиган вақти келди"  4 21:10Венгер: "Арсенал" ўз руҳини "Хайбери"да қолдириб келган"  10 20:58Тимо Вернер АПЛга кўчиб ўтиши мумкин  4

Шомуродов ва Соболев 2 ойдан бери гол уришмаяпти. Уларга нима бўлди? Янгиликлар

Шомуродов ва Соболев 2 ойдан бери гол уришмаяпти. Уларга нима бўлди?

Тез орада Дзюба тўпурарлар пойгасида бу йигитлардан ўтиб кетиши мумкин.

"Ростов"даги ҳамюртимиз Элдор Шомуродов анчадан бери гол ура олмаётганини пайқагандурсиз, бироқ у билан жиддий рақобат қилаётган Александр Соболевдан ҳам вазият шундай. Championat.com журналисти Богдан Горбунов бу йигитлар нега гол урмай қўйганини ўрганиб чиқди ва мақола тайёрлади. Ушбу мақолани эътиборингизга ҳавола қиламиз.


Александр сўнгги марта 5 октябрь куни "Сочи" дарвозасига иккита гол урган эди, бир кун ўтиб Элдор ЦСКА дарвозасини ишғол қилган. Ўшандан кейин РПЛнинг Соболев 5та, Шомуродов эса 6та учрашув ўтказди ва рақиб дарвозасини бирор марта ишғол қила билишмади. Уларга нима бўлди? Таҳлил қилишга уриниб кўрамиз.


Шомуродов "Ростов" хатолари қурбонига айланди


Голсиз серия бошланишидан аввал "Ростов" форварди ҳужумни якунлашда совуққон эди. Рақиб дарвозасини ишғол қилиш учун футболчига яримта вазият ҳам етарли бўлаётганди.


Ўзбекистонлик ҳужумчи учун имкониятлар қўлдан бой берилган асосий ўйин "Динамо" билан меҳмондаги баҳс бўлди. Элдор ўша баҳсда 5та зарба берди ва Валерий Карпиннинг сўзларига кўра, 3та голли вазиятдан фойдалана олмади.


Аввалига жарима майдончасининг чап қанотидан гол уролмади, кейин Ионов узатмасидан сўнг ва сўнгги муваффақиятсиз уриниш 11 метрлик нуқта олдидан бўлди.


Бироқ форвард омадсизликларининг асосий сабаби вазиятдан фойдалана олиш эмас. Шомуродов ўзининг очилишдаги хатолар ва жамоадошларининг ишончсиз ўйинидан жабр кўряпти. 


Элдор деярли барча голларини дарвозага қараган ҳолда урди. Ёки тўп билан қарши ҳужумга қочиб ёки вазиятни яхши ҳис қилиб, тўпга бир тегиниш билан дарвозани ишғол қилди.


"Ростов"нинг сўнгги ўйинларида Шомуродов жарима майдончаси ичида жуда пассив ҳаракат қилди ва узун узатмаларни тўпга тескари туриб қабул қилишга уринди. Баъзида форвард бўш зоналарни топиб, у ерга очилиш қобилиятини йўқотиб қўйгандек кўринди.


Элдор омадли очилган кезларда унинг жамоадошлари Шомуродовга пас беришмади ёки узатма сифатсиз бўлди. Бунга ёрқин намуна сифатида "Ростов" ҳамда "Урал" ўйинидаги вазиятни кўрсатиш мумкин.


Баҳснинг 72-дақиқаси, Попов икки рақибидан ўтиб, тўпни ўнг қанотдаги Ионовга узатди.

Алексей тўпни жарима майдончасига ташлашга тайёргарлик кўряпти. У ерда Попов икки футболчини ўзига эргаштириб, Шомуродов учун бўш зона яратиб беряпти.

Ҳеч ким томонидан ёпилмаётган Элдор пасни кутяпти, аммо пас Саплиновга бўлди ва у ҳимоячи билан кураш туфайли гол ура олмади. Бу вазиятда ё Ионов техник хатога йўл қўйди ё хавбекка пас бериб, нотўғри қарор қабул қилди.

Сўнгги пайтларда бундай вазиятлар кўп содир бўлмоқда. Шу сабабли Шомуродовнинг фойдалилик коеффициенти тушиб кетишида ноаниқ узатмаларнинг таъсири бор.


Соболевга қарши ҳимояланишни ўрганиб олишди


"Крилья Советов" ҳужумчисида Шомуродовдан фарқли ўлароқ сўнгги бешта баҳсда гол уриш учун тузукроқ вазият бўлмади. У дарвоза томон 11та зарба берди ва уларнинг 3таси жарима майдони ташқарисидан оёқда бўлди. Александр бошқа вазиятларда ё узоқдан зарба берди ё боши билан дарвозани ишғол қилишга уринди.


Форварднинг муаммоси шундаки, рақиб ҳимоячилари унга кўникишди ва унинг ўйинига оддий "дори" топишди.


РПЛ стартида рақиблар Соболевга жуда кўп ҳудуд бериб, хатто тўп қабул қилишга имконият яратишган. Бундай эркинликка эга бўлган форвард 1-турда ЦСКА дарвозасига 2та гол урди.


Энди эса Александрга бир қарич бўш жой беришмаяпти ва тўп қабул қилишга максимал даражада ҳалақит қилишмоқда. Агар тўп футболчигача етиб келса, унга ҳимоячи бириктирилади ва у Соболевни дарвозадан узоқлаштиришга уринади.


Пастдаги суратда ҳимоячилар "Крилья Советов" ҳужумчисига қарши фаол ҳаракатининг намунаси кўрсатилган. ("Спартак" - "Крилья Советов" ўйинидан)


Жиго Зиньковский Соболевга пас бермоқчи эканлигини кўрди.

Узатма пайтида у ҳужумчидан олдин тўпга чиқди ва форвард тўпни қабул қилишига имкон бермаяпти.

Соболев майдонга тушган сўнгги 5та учрашувнинг 3таси РПЛнинг энг яхши ҳимояга эга бўлган жамоаларига қарши бўлди ("Зенит", ЦСКА, "Спартак"). Бу клуб ҳимоячилари Соболевни яхши қўриқлашди, шу сабабли ҳужумчида голли вазият бўлмади.


Бошқа жамоаларга қарши баҳсларда Александрга осонроқ бўлади. Аммо агар ҳимояга қарши бирор услуб топа олмаса, Соболевдан аввалги маҳсулдорликни кутмаган маъқул.

Рейтинг: +18   

Фикрлар

+3   
05 дек 07:12:57
Rustam chustiy
Gol Ursa Eldorbek! Urolmasa Yana haligidaqa... Bundoq ODAM sifatida ham hurmat qilaylik qadrli fanatlar
+3   
05 дек 06:37:05
Жавохир Абдувалиев
Биз Елдорга ишонамиз у хали хаммага исботледи, у Ўзбек ўғлони Елдор биз сенга ишонамиз
+2   
05 дек 10:00:19
Sharif81
худо хохласа узига келиб яна гол уришни бошлийди. Жамодошлари купрок шомага имконият яратиб бериш керак
+1   
05 дек 15:11:13
Erkin Rabbimovich
Буни биз олдин пайкаган эдик, айтгандик! Элдорнинг шаштини командаси кайтараяпти! Агар у хохлаган нормал клубга утса тезда очилади, чет элга кетиш керак, Элдор.
+1   
05 дек 11:24:28
W_real_madrid_fc
https://m.sport-express.ru/football/rfpl/news/vyberi-luchshego-futbolista-2019-goda-1617507/?utm_source=pulse_mail_ru&utm_referrer=https%3A%2F%2Fpulse.mail.ru HAMMAdan iltimos, hozirgi vaqtdagi bittagina kuchli 5lik uchun umidimizni qo‘llaylik, Shomurodov uchun ovozimiz, yordamimiz kere ILTIMOS
   
06 дек 18:51:32
EldorShomurodovTv
Hamma pulga oborib taqedi gapni. ELDOR pul uchun o'lib turgan bolamas. Ayrimlaga o'xshab. Oyinlarini korme gapirmela. U jonini berib oynayapti. Eldorga Rostovdagi muammolar tasir qilyapdi. Bilmasdan gapiravermaylik. Eldor omad yor bolsin. U hali oldingi darajasidan ham zor bolib qaytadi. Shu ikkiyuzlamachi muxlislar uchun ham qaytadi. Olga Eldor. Omad Eldor.
   
05 дек 23:30:17
Счасливчик
Garrysher фойдаланувчининг фикрига жавоб бериш
Элдорни жамоадошлари атайлаб пас бершмяпти, сабаби зур уйнаса. кишда софчилари купайиб бошка жамоага утиб кетиши мумкнлигидан куркишяпти. Кишки танаффусдан кейин яна голли серя бошланади
Адашасиз дустим у кетиши аник шу учун Елдорда пасайиш кетишини билади...Германия, Туркия ва Цскалардан таклиф уйлаб гол уришни есдан чикорганда аклини шошириб куйган у пуллар
   
05 дек 21:00:22
Garrysher
Элдорни жамоадошлари атайлаб пас бершмяпти, сабаби зур уйнаса. кишда софчилари купайиб бошка жамоага утиб кетиши мумкнлигидан куркишяпти. Кишки танаффусдан кейин яна голли серя бошланади
   
05 дек 16:27:11
aral2019
Бизнинг уйиншилар кишда уйнай олмийди шунки улар бахор-куз режимига урганган. Хаммаси славы кишда уйнай олмийди. ургатиш керак биздаям кишда булиш керак чемпионатимиз. Россия пагодаси бизданхам совукку ахир
   
05 дек 09:18:31
DavrON€
Шомуродов нега гол урмади урди термада , бирамас учта . пенальтини Шукуров эмас унга беришганда 4 хам булиши мумкин эди. Ростовни хамма уйинларини куриб бормокдаман ютубда. Гол уролмаётганига сабаб унга бирор тузукрок пас ёки навес килишмаяпти, очикчасига.Каттан гол урсин.
   
05 дек 06:29:36
Ixtiyor1990
Rostov da muxt buzilgan Eldor ga pas bermayapti bu bita Ural oʻyinidamas pachti xamma oʻyinda wu axvol tezro kulibni oʻzgartiriwi kere Eldor
-1   
05 дек 21:42:21
Ulugbek
Rossiya jurnalistlari tahlilni zoʻr qiladi, qani endi bizda ham mana shunday tahlil qiladigan jurnalistlar boʻlsa, har bir detalga etibor bergan
-1   
05 дек 09:53:43
aral2019
Ҳеч ким томонидан ёпилмаётган Элдор пасни кутяпти, аммо пас Саплиновга бўлди ва у ҳимоячи билан кураш туфайли гол ура олмади. Бу вазиятда ё Ионов техник хатога йўл қўйди ё хавбекка пас бериб, нотўғри қарор қабул қилди. Ака Элдорга етказиб бера олмаайдику
-1   
05 дек 07:30:10
GARINCHA
мактов эшитаверса узбек юлдуз ясаб олади узидан. Элдор бунака булмасин гол уришни бошласин
-1   
05 дек 07:21:59
CH E L S E A
Kamroq maqtash kerakda, öynashiga qöyib beraylik...
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг