Шомуродов Доҳага учди, Шукуров Шаржада қолди
22 янв 2019 17:44
Янгиликлар

Шомуродов Доҳага учди, Шукуров Шаржада қолди

Ўзбекистон миллий терма жамоасининг Осиё Кубогидаги иштироки ўз якунига етди.

Футболчиларимиз мусобақанинг 1/8 финалида Австралияга қарши тенгма-тенг кураш олиб бориб, фақат пенальтилар сериясида мағлуб бўлишди. Бугун туш пайти терма жамоамиз делегациясини ўз бағрига олган самолёт Шаржадан Тошкент сари парвоз қилди.

Легионерлардан Элдор Шомуродов Қатар пойтахти Доҳага йўл олган бўлса, Отабек Шукуров Шаржада қолди. Айни пайтда Шомуродов тўп тепаётган "Ростов" Доҳада мавсумнинг иккинчи қисмига ҳозирликни давом эттиряпти ва ҳужумчимиз буёғига жамоаси таркибида бўлади.

Отабек Шукуров эса "Шаржа" клуби машғулотларига қўшилади. Маълумки, "Шаржа" БАА чемпионати турнир жадвалида биринчи ўринда боряпти ва иккинчи даврада ҳар бир баҳс ниҳоятда муҳим аҳамият касб этади. Шу боис жамоа бош мураббийи Шукуровни тезроқ машғулотларга келиб қўшилишини хоҳлади.

Ҳавола :

Манба : championat.asia

Янгиликларни Телеграмда ўқинг!

Рейтинг: +90