Шипилов - Мочинов "тўқнашуви"да кучлар тенг келди

Қибрайдаги ўйингоҳда жамоа “Металлург”га қарши баҳс олиб борди. Биринчи бўлимда тенг кураш кечди. 24-дақиқада Зоҳид Абдуллаев яратилган имкониятдан фойдаланиб жиззахликлар дарвозасини ишғол қилишга муваффақ бўлди. Биринчи бўлим 1:0 “Металлург” ғалабаси билан якунланди.

Иккинчи бўлимда Александр Мочинов ўйинни кучайтириш мақсадида таркибда бир нечта ўзгаришларни амалга оширди. Натижада “Сўғдиёна” ҳужумлари янада кўпайди. Учрашувнинг 56-дақиқаси ўтиб бораётган паллада “Металлург” футболчилари ўз жарима майдончалари ичида Шохруз Норхоновга нисбатан ўйин қоидасини бузишди. Натижада ҳакам пенальти белгилади. Ундан тажрибали футболчи Дилмурод Каримов унумли  фойдаланди ва ҳисобни тенглаштиришга муваффақ бўлди. Шундан сўнг, иккала жамоада ҳам гол киритиш учун бир нечта қулай имкониятлар юзага келди. Аммо ҳисоб ўзгармади.

Шу ўринда яна бир маълумот, бугунги ўйинда "Сўғдиёна" сафида 4 нафар янги футболчи синовдан ўтказилди. Булар: Руслан Мелзиддинов (“Шўртан”), Иқбол Маликжонов (“Қўқон-1912”), Алишер Зиёвуддинов  (“Металлург”), Акром Бахриддинов (“Машъал”).


“Металлург” - “Сўғдиёна” 1:1

Голлар: Зоҳид Абдуллаев 24,Дилмурод Каримов 56 (пенальти)

“Сўғдиёна”: Дилшод Хамроев, Акмал Холмуродов, Шохрух Холматов, Фарход Мирахматов, Элёр Орифов(с), Жаҳонгир Абдумўминов, Дониёр Ҳасанов, Азамат Исроилов, Умид Қодиров, Сардор Азимов, Андрей Сидоров.
Захира: Ширинбой Абдуллаев, Руслан Мелзиддинов, Сардор Қулматов, Иқбол Маликжонов, Дилмурод Каримов, Дониёр Одилов, Алишер Зиёвуддинов, Акром Бахриддинов, Иззатилла Абдуллаев, Шохруз Норхонов, Фарход Юсупов.