Шенснининг "Юве"даги келажаги сўроқ остида

Войцех Шенснининг келажаги номаълум. "La Gazzetta dello Sport" хабарига кўра, "Ювентус" польшалик дарвозабондан қутулмоқчи.

Сабаби унинг юқори маоши. Бироқ Шенсни "Ювентус"да қолмоқчи. Шартнома уни клуб билан 2025 йилнинг ўрталарига қадар боғлайди.

Манбанинг таъкидлашича, "Ювентус" польшаликдан қутулиш учун ён беришга қодир. Ҳатто уни текинга қўйиб юборишга ҳам рози.

Жамоанинг бошқа дарвозабони Маттиа Перин ҳам "Ювентус"да қолишни истайди. Италиялик дарвозабон ҳозирча "Фенербахче"га ўтиш имкониятидан фойдаланиш ниятида эмас.