Шартнома муддати якунлангач, Рамос МЛСга йўл олмоқчи
13 июн 2020 15:45
Янгиликлар

Шартнома муддати якунлангач, Рамос МЛСга йўл олмоқчи

Шартнома муддати якунига етгач, Серхио Бекс билан англияликнинг клуби "Интер Майами"да қайта бирлашиши мумкин, деб хабар беради Diario AS.

"Қироллик клуби" мухлислари ваҳима қилишларига ҳожат йўқ — Рамосга ҳамкорликни давом эттириш таклиф қилинган.

МЛС варианти яқин келажак учун эмас, Рамос учун ҳозир асосий мақсад "Реал" билан совринлар ютиш, дейилади манбаада.

Серхио Рамос Мадридда Дэвид Бекхэм билан бирга 63 ўйин ўтказган. Бу икки спортчи бирга Ла Лига ва Испания Суперкубогида зафар қучган.

Яқин кунларда футболчининг акаси ва агенти Серхио ва клуб ўртасидаги янги битим борасида ҳеч қандай муаммо йўқлиги ҳамда музокаралар бошланишини маълум қилди.

Хабарларга кўра, "Реал Мадрид" сардори билан келишувни 2022 йилгача узайтиришни режа қилган.