"Шаржа" Отабек Шукуровнинг Туркия жамоасига ўтаётганини тасдиқлади
23 июл 2022 23:06
Янгиликлар
"Шаржа" Отабек Шукуровнинг Туркия жамоасига ўтаётганини тасдиқлади
"Шаржа" матбуот хизмати ярим ҳимоячи Отабек Шукуровнинг Туркия чемпионатига йўл олаётганини маълум қилди.
"Ўзбекистон термаси футболчиси Отабек Шукуров Туркиядан таклиф қабул қилиб олди. Клубимиз унга ижобий жавоб берди ва "Фотих Карагюмрук" билан музокаралар ўтказишга рози бўлди. Шу орқали футболчи Европада фаолият олиб бориш имкониятини қўлга киритади", - деб ёзилади клуб баёнотида.
Бу ҳақда олдинроқ сайтимизда "Эшитдик-да" рукни орқали маълумот бергандик. Айни дамда "Фотих Карагюмрук" жамоасини Андреа Пирло бошқармоқда. Бу "Фотих Карагюмрук"нинг янги мавсум олдидан тўққизинчи трансфери бўлади.
Ўтган мавсумда Отабек Шукуров "Шаржа" таркибида 24 ўйинда қатнашиб, 4 гол урди. У 2017 йилдан буён шаржаликлар таркибида ўйнаб келаётганди.
Ўхшаш янгиликлар
championat.asia
АПЛ. "Ливерпуль" ва "Манчестер Юнайтед" ўртасидаги ўйинда 4та гол урилди
ЛаЛига. "Валенсия" - "Реал" учрашуви асосий таркиблари маълум!
ЛаЛига. "Реал" сўнгги дақиқада ғалабани илиб кетди!
"Барселона" собиқ директори Винисиус ҳақида: "Қоида бўйича 4 тадан 12 та ўйингача дисквалификация билан жазолаш керак"
Фикрлар