"Севилья" Рафа Мир билан шартнома имзолади

24 ёшли испаниялик футболчи билан тузилган шартнома 2027 йилнинг ёзига қадар амал қилади. Футболчи 12-рақам остида тўп суради.

Рафа Мир 2020/21 йилги мавсумда "Уэска"га ижарага берилганди. У барча турнирларда 39 та ўйин ўтказиб, 16 та гол урди ҳамда битта голли узатмани амалга оширди. Форвард Испания олимпия терма жамоаси таркибида олти учрашувда учта гол урди ва Токио Олимпиадасининг кумуш медали соҳибига айланди.