Серхио Рамос ЛаЛига тарихида биринчи
10 май 2018 19:46
Янгиликлар

Серхио Рамос ЛаЛига тарихида биринчи

Кеча Испания чемпионати 34-тури доирасидаги "Севилья" - "Реал" учрашуви бўлиб ўтди.

Унда мезбонлар 3:2 ҳисобида ғалаба қозонишди.

Қизиғи, ана шу беллашувдан сўнг меҳмонлар сардори Серхио Рамос ЛаЛига тарихига кирди. Рамос баҳснинг 58-дақиқасида пенальтидан фойдалана олмади. Кейин 84-дақиқада у ўз дарвозасини нишонга олиб қўйди. Ва ниҳоят, ҳакам томонидан қўшиб берилган дақиқаларнинг сўнггисида пенальтидан рақиб дарвозасини нишонга олди. Шу тариқа, Рамос ЛаЛига тарихида бир ўйинда гол урган, пенальтидан фойдалана олмаган ва автогол урган биринчи футболчига айланди.