Сергей Лушан: "Ғалаба қозониш учун ҳеч бўлмаганда 50% имкониятдан фойдаланишни билиш керак"
05 май 11:06
Янгиликлар

Сергей Лушан: "Ғалаба қозониш учун ҳеч бўлмаганда 50% имкониятдан фойдаланишни билиш керак"

Суперлиганинг 8-туридан ўрин олган "Қизилқум" – "Навбаҳор" (3:2) беллашувидан сўнг наманганликлар устози Сергей Лушан матбуот анжуманида иштирок этди.

- Ўйин ҳақида

- Аввало, навоийликларни табриклаган бўлардим. Стадион ажойиб! Маҳаллий аҳоли ҳам ҳордиқ чиқарди деб ўйлайман, чунки уларнинг жамоаси ғалабаша эришди. "Қизилқум" барча вазиятларидан унумли фойдаланиб, ҳақли равишда ғалаба қозонди. Бизнинг жамоага келсак, ғалаба қозониш учун ҳеч бўлмаганда 50% имкониятдан фойдаланишни билиш керак. Аламли ўйин ўтказдик. Футболчилар меҳнат қилишди, уларга эътироз йўқ.

- Биринчи голда дарвозабоннинг айби бор деб ўйлайсизми? Чунки зарба узоқ бурчакка борди...

- Яхши зарба бўлди. Бир нима дейиш қийин. Албатта, бундай зарбаларни қайтариш керак. Қанот ҳимоячиси анча масофани босиб ўтиб, зарба беряпти, бу ерда савол дарвозабонга эмас. Бу ҳолатда ҳимояда кўмак зарур эди. Умуман кераксиз гол бўлди. Унгача ўйинни назорат қилаётгандик. Шундан кейин ҳам анча-мунча имкониятлар бўлди, лекин гол уролмадик. Буни батафсил кўриб чиқишимиз керак, кейин бир хулосага келамиз.

- Бунгача "Бухоро"ни 3:0 ҳисобида мағлуб этдингиз. Руҳий томондан бироз устунлик бор эди. "Қизилқум" эса мусобақа жадвали қуйи поғонасида бормоқда. Бу фактор жамоангизга таъсир кўрсатмадими?

- Мен учун рақибни менсимади дейишлари ғалати туюлади. Футболчилар футболчилик касбини ўзлари танлаган. Улар шунинг учун пул олишади. Рақибни менсимаслик масаласида ҳеч қандай гап-сўз бўлиши мумкин эмас. Рақиб "Қизилқум" бўладими, "Реал"ми, шунчаки ўйнаш керак. Псхиологиянинг алоқаси йўқ. Рақиб қайси жамоа бўлишидан қатъи назар голлар уришга уриниш лозим.