Сергей Лушан: "6 очколик ўйинда ғалаба қозондик"
15 окт 2016 19:16
Янгиликлар

Сергей Лушан: "6 очколик ўйинда ғалаба қозондик"

Олий лиганинг 25-туридан ўрин олган "Бунёдкор" - "Насаф" (1:0) учрашуви якунланганидан сўнг ташкил этилган матбуот анжуманининг иккинчи қисмида "қалдирғочлар" бош мураббийи Сергей Лушан қатнашди.

- Ўйин ёмон кечмади. Учрашув мухлисларбоп ўтди. Бу ўйин 3 эмас, балки 6 очколик бўлди. "Насаф" биз учун принципиал рақиб саналади. Ҳисоб ҳаққоний бўлди, деб ҳисоблайман. Жамоамнинг барча футболчиларининг ҳаракатларидан қониқдим. Улар мен берган барча кўрсатмаларни тўлиқ амалга оширишди. Жамоамиз ҳимоячилари бугун ишончли тўп суришди. "Насаф" ҳам гол уриши мумкин эди. Принципиал рақиб устидан қозонилган ғалаба икки ҳисса ёқимли.

"Бунёдкор" чемпионатда ҳам, кубок баҳсларида ҳам ўз олдига фақат юқори мақсадларни қўяди. Шу боис барча ўйинларда ғалабани кўзлаб ўйнаймиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +3