Сергей Лебедев: "Рақибнинг фарқи йўқ, фақатгина ғалаба учун ўйнаймиз"

- Барча кўрди, бугун зўр ўйин бўлди. Бугун 10 киши бўлиб охиригача курашган йигитларга раҳмат айтаман: синиб қолишмади, агарда вазиятдан гол ура олишганида ҳисоб бошқача бўлган бўларди. Шунингдек, бугун стадионга келиб, бизга мухлислик қилган мухлисларга ҳам миннатдорлик билдираман. Кейинги ўйинда бизда яхши натижа бўлишини тилаб қоламан.

- Қизил карточка ҳақида фикрингиз.

- Бу футбол. Ҳиссиётлар доимо жўш уради. Футболнинг ҳаёти шундай. Биринчи, кейин иккинчи сариқ карточкадан кейин ҳимояланиш ҳам қийин бўлиб қолади. Кейин режаларни ўзгартирдик. Албатта, иккинчи бўлим учун режаларимиз бошқача эди. Бугун шундай бўлди, эртага эса бошқачароқ бўлиши мумкин.

Мухлисларга раҳмат айтаман. Улар ҳар бир ўйинимизда келиб, бизни қўллаб туришларини сўраб қоламан.

- "Локомотив" билан ўйин қийин бўлишини кутгандик. Олдинда бизни "Навбаҳор", "Нефтчи" каби жамоаларга қарши тайёргарлик қандай бўлади?

- Бизда вазифа оддий: майдонга чиқиш ва ғалаба қозониш. Бу ерда рақиб Суперлига жамоаси бўладими ёки биринчи, фарқи йўқ. Майдонга фақатгина ғалаба учун тушамиз. Бизга "Навбаҳор", "Нефтчи" ёки "Пахтакор" бўлса ҳам фарқи йўқ, ғалаба учун ўйнаймиз.