Сергей Ковшов: "Пахтакор" билан дуранг ўйнасак ҳам сенсация бўлади"

"Биринчи навбатда мухлисларни, раҳбариятни ва футболчиларимизни олий лигада қолганимиз билан табрикламоқчиман. Рақиб ҳам олий лигада қолиш учун курашмоқда. Бугун майдон сифати одамни хафа қилди. Ёзда майса яхшироқ эди, ҳозир эса жуда ҳам аянчли аҳволда. Раҳбариятдан бунга эътибор қилишларини сўраб қолардим. Ҳисобни очдик, аммо орадан кўп ўтмай гол қўйиб юбордик. Ғалаба қозонсак бутун жамоа ғалаба қозонади, мағлуб бўлса барча мағлуб бўлади. Битта одам хато қилса бутун жамоага таъсир қилади".

"Сўнгги турда Тошкентда "Пахтакор" меҳмони бўламиз. Биз бор кучимиз билан ўйнаймиз, жамоамиз шаъни учун ўйнаймиз. Мен учун ҳам қизиқарли бўлади. Бизнинг йўқотадиган нарсамиз йўқ. Рақиб чемпион бўлмоқчи, биз Тошкентда хатто дуранг қайд этсака ҳам супер сенсация бўлади. Шундай экан курашамиз", - дейди Сергей Ковшов.