Сергей Лушан: "Бугун жамоамизга омад ҳам кулиб боқди"

"Бугун ўйимиз ўхшади. Стадионга йиғилган мухлислар росманасига қизиқарли ўйинни кўришди. Табиийки мен натижадан қониқдим. Ҳозир бир нарса дейишим қийин, ҳаяжондаман. Бугун жамоамизга омад ҳам кулиб боқди", дейди Сергей Лушан.

Дилшод Жўраев бугун захирада ҳам кўринмагани сабаби нимада?
Ўйинга ким тайёр бўлса ўша тушади, шу холос.

Асосий таркибни танлашда тавакалчилик қилмадингизми?
Яна бир бор шуни такидлаб ўтардимки, мен учун номлар эмас, машғулотдаги иш муҳим. Бугун энг кучлилар майдонга тушдилар.

Пишур билан Шодиев ҳам ўйинни кучайтира олиши мумкинми?
Албатта, улар ҳам ўйинни истаган пайтида тушиб ўйиннни кучайтиришлари мумкин.

Ҳакамларга нима дейсиз?
Уларни текширадиган қўмита бор. Сўнгги дақиқаларда бизга омад келганини ҳам унутмаслигимиз бор.

Бугунги ғалабадан кейин чемпионлик пойгасига қўшилдик дея оласизми?
Ҳар бир ўйинга ғалаба учун майдонга чиқамиз. Ҳозир жамоада авлодлар алмашинуви, бу таркиб кейинги йил ҳам қолиши ва яхши натижаларга эришишига ишонаман.

Бугунги ўйин "Бунёдкор"нинг ҳозирги ҳолатидан келиб чиқиб жамоа учун олға қадам ташлашига сабаб бўлади дея оласизми?
Бу ҳафтада жамоани руҳан тайёрлаш ўта муҳим эди. Бизга берилаётган эътибордан келиб чиқиб, ғалаба қозонишимиз шарт эди. Бугун футболчиларимизда иштиёқ жуда юқори бўлди.