Сергеев, Искандеров ва Исоқжонов Вьетнамга кетишмаган

Бангладеш мезбонлик қиладиган U-23 ёшлар ўртасидаги Осиё Чемпионати саралаш баҳсларига тайёргарлик босқичидан ўрин олган мазкур учрашув 14 март куни Вьетнамнинг Хошимин шаҳрида бўлиб ўтади. Ушбу ўйинни ўтказиш учун Бахтиёр Ашурматов бошчилигидаги жамоа ўтган куни Хошиминга учиб кетди.

Олинган маълумотларга кўра, Бахтиёр Ашурматов Игорь Сергеев, Жамшид Искандеров ва Исломбек Исоқжонов каби футболчиларни сафарга олиб кетмаган.

Уларнинг ўрнига Жасур Ҳакимов, Икром Алибоев ва Никита Павленко Хошиминга кетишди.


Вьетнамга учиб кетган якуний таркиб қуйидагича кўриниш олган:
Дарвозабонлар: Акмал Турсунбоев, Абдумавлон Абдужалилов.

Ҳимоячилар: Бобур Йўлдошев, Сардор Раҳмонов, Муҳсин Убайдуллаев, Абдуллоҳ Олимов, Хуршид Муҳторов, Ҳасан Асқаров

Ярим ҳимоячилар: Жавоҳир Расулов, Икром Алибоев, Аббос Махсталиев, Диёр Туропов, Жаҳонгир Абдумўминов, Сардор Собирхўжаев, Жалолиддин Машарипов.

Ҳужумчилар: Тимур Аюпов, Жасур Ҳакимов, Никита Павленко.