UZ

Сўнгги янгиликлар

20:12Салоҳ Суаресдан ўтиб кетди  1 19:55ЛаЛига. "Реал Сосьедад" - "Барселона" 1:0 (матнли трансляция)  5 19:55Азар "Челси"га қачон қайтишини айтди  0 19:40"Барселона" футболчиси ноодатий тарзда жароҳат олди  1 19:22АПЛ. "Ливерпуль" Салоҳнинг голлари эвазига "Уотфорд"ни мағлуб этди  79 19:11АПЛ. "Челси" ва "Лестер"нинг бугунги ўйин учун танлаган таркиби эълон қилинди  1 19:04ЛаЛига. "Реал Сосьедад" - "Барселона". Асосий таркиблар маълум!  15 18:50Карраско Ла Лигага қайтиши мумкин  0 18:25"Реал Сосьедад" бош мураббийи: "Умид қиламизки, Месси ёмон кунини ўтказади"  11 18:17Омар Моманидан карикатура: Клопп янги шартнома тузди, Жеррард ҳам  4 18:05"Атлетико"нинг қишки трансферлар ойнасида асосий мақсади маълум  0 17:40ПСЖ Тьяго Силвага ўринбосар топди  1 17:33Алиризо Бейранванд жаҳон чемпионатида кийган футболкасини сотувга қўйди  9 17:30Olamsport: Хабибнинг жанги расман тасдиқланди, Конор катта спортга қайтмоқда ва бошқа хабарлар  0 17:15Бекхэм клуби Россия Премьер-лигасидаги икки футболчига қизиқмоқда  2

"Саррибол" — "Ювентус" учун идеал вариант! Нега?! Янгиликлар

"Саррибол" — "Ювентус" учун идеал вариант! Нега?!

Кутилмаган воқеа юз бергани йўқ: "Ювентус" мураббийи этиб Маурицио Сарри тайинланди.

Кўпчилик ҳам шундай бўлади дея таҳмин қилган эди. Сабаби, бу лавозим учун италиялик энг яхши номзодлардан бири эди. Қолаверса, Англиядан кўра А Серияда ишлаш унинг ўзига ҳам бирмунча осонроқ бўлади.

Сарри "Челси"да жуда яхши ишлади

Аммо биринчи навбатда, бутун мавсум мобайнида уни тинимсиз равишда танқид қилишганига эътибор қаратсак: Лига Кубоги финалидан кейин (Кепа ёдингиздами?) Англиянинг бутун оммавий ахборот воситалари Саррини мазах қилиб, устидан кулган эди. Уни интизом ўрната олмаслик, натижаларга жавоб бера олмаслик ҳамда жиддий клубда ишлашга қодир эмас деб айблашганди. Лекин кейин нима бўлгани муҳимроқ. Мавсумнинг қолган қисми муаммосиз ўтди: "Челси" АПЛ чемпионатида учинчи поғонани эгаллади ("Сити" ҳамда "Ливерпуль"дан кейин. Европа Лигасини эса ишончли ғалаба билан якунлади ва Сарри биринчи мукофотини қўлга киритди. Бундан кўриниб турибдики, мураббий танқиддан сингани йўқ, аксинча ўз устида ишлаб, янада кучли бўлди.

"Челси" – Англияда ишлаш учун осон ва оддий жамоалардан бири эмас. Клубнинг деярли барча охирги мураббийлари ишдан бўшатиб юборилган: Конте, Моуринью, Ди Маттео, Виллаш-Боаш. Сарри эса ўз хоҳиши билан жамоани тарк этди.

Саррининг ўзига хос услуби бор

2019 йилнинг ўзининг ажойиб тактикасига эга бўлган энг ёрқин совриндорлар қаторига Сарри ҳам киради. Италия ва Англияда ҳам "саррибол" термини анча машҳур бўлиб улгурган: мураббийнинг ўйиндаги тактик усулига нисбатан шундай дейилади.

• Тўп назорати;

• Ҳимоядан ҳужумга тезлик билан ҳаракатланиш;

• Қисқа узатмалар;

• Ҳужумга умумий эътиборнинг кучли экани.

"Саррибол"нинг тики-такадан асосий фарқи – тики-такада тўп у ён, бу ёнга оширилса, "саррибол"да узатмалар фақат олдинга етказиб берилади. Сарри ҳам Гвардиоланинг тактикасини амалда қўллаб, уни янада ҳужумкор қилишни истайди. Бунинг учун энди унда нафақат ресурслар, балки вақти ҳам етарлича бўлади.

Сарри – италиялик. Бу эса энг муҳими!

Футболда маданий омилни ҳисобга олиш жуда муҳим ҳисобланади. Сарри инглизлар ҳаётига яхши мослашолмади: Маурицио бутун мавсум давомида бунга қарши қандай курашганини кўрдик. Мавсум ўрталарида Сарри жамоадаги муаммолар жисмоний тайёргарлик билан эмас, балки менталитет билан боғлиқ эканини тан олди. Лекин энди бари ортда қолди. Сарри Италияда ҳурмат қилишади ва сўзларига қулоқ солишади. "Ювентус" – фаолиятини давом эттириши учун идеал вариант!


Нозима Зарипова таржимаси

Рейтинг: +14   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг