Сардор Тельяков: "Ҳар бир учрашувга ғалаба учун чиқишимиз зарур"
11 окт 2018 21:17
Янгиликлар

Сардор Тельяков: "Ҳар бир учрашувга ғалаба учун чиқишимиз зарур"

ПРО-лига 29-туридан ўрин олган “Истиқлол” - “Сурхон” (2:1) учрашувидан сўнг мезбонлар футболчиси Сардор Тельяков championat.asia сайтига интервью берди.

Бугун яхши учрашув ўтказдик. Рақибларимиз “Сурхон” жамоаси билан сафардаги учрашувда ҳам қийналгандик. Бу жамоа билан сафардаги учрашувда дуранг, уйда эса мана кўриб турганинглардек, ғалаба қозондик. Бизнинг жамоа жуда аҳил, ўтказилаётган учрашувларда ҳам бир жамоа бўлиб ҳаракат қилаяпмиз. Жамоамизга қўйилган вазифа – фақат олдинга интилиш ва Суперлигага чиқиш.

Менинг мақсадим Ўзбекистон терма жамоаси сафида майдонга тушиш, насиб этса жаҳон чемпионатига чиқиб, она Ватанимиз байроғини янада юксакларга кўтариш.

“Истиқлол” клуби ҳомийлари томонидан биз футболчиларга яратиб берилаётган шароит аъло даражада. Футбол ўйнаш учун барча имкониятлар мавжуд. Биз ҳам шунга мос равишда ҳар бир учрашувга ғалаба учун майдонга тушишимиз зарур.

Бекзод Толибов ёзиб олди.

“Истиқлол” матбуот хизмати билан хамкорликда тайёрланди.