Сардор Собирхўжаев: "Бу ўйинда қайси жамоа биринчи гол урса, ўша ғалаба қозонарди"
07 июл 2025 01:19
Янгиликлар

Сардор Собирхўжаев: "Бу ўйинда қайси жамоа биринчи гол урса, ўша ғалаба қозонарди"

Суперлиганинг 15-туридан ўрин олган "Пахтакор" – "Навбаҳор" (2:0) ўйинидан кейин мезбонлар ярим ҳимоячиси Сардор Собирхўжаев ўз фикрларини билдирди.

"Ўйин қилиши бўлишини билгандик. Бунақа об-ҳавода, турнир жадвалида ёнма-ён кетаётган жамоалар тўқнашувида қайси жамоа биринчи гол урса, ўша жамоанинг имкониятлари ошиб кетарди. Бу ўйин – голгача бўлган ўйин эди, ким биринчи урса, ўша жамоа ғалаба қозонарди.

Кўпгина имкониятлардан фойдаланишда озгина совуққонлик етишмади. Биринчи давранинг охирида футболчиларда толиқиш бор эди, ҳаво ҳарорати ҳам юқори эди. Шунингдек, хотиржамлик ҳам етишмади.

Ўзбекистон кубоги чорак финалида "Машъал" рақиб бўлганини омад демаган бўлардим. Чунки муборакликлар "Нефтчи"ни турнирдан чиқариб юборди. Битта ўйиндан иборат тўқнашувда ҳамма нарса бўлиши мумкин", — деди 30 ёшли футболчи.

Ҳавола :

Манба : championat.asia

Янгиликларни Телеграмда ўқинг!

Рейтинг: +1