Самвел Бабаян: "Ҳимоя чизиғимизни кучайтиришимиз лозим"

Энг аввало, ушбу ўйин муҳим ҳисобланади. Жамоалар қандай ўринларда бўлмасин, бу муҳим ўйин бўлади. Мухлислар кўпайганидан хурсандмиз. 

Ўйинга келадиган бўлсак, таблодаги ҳисоб барчасини айтиб турибди. Зуҳуров бекорга "Бунёдкор"нинг энг яхши футболчиси эмаслигини исботлади.

"Бунёдкор" жиддий рақиб. У ерда кучли футболчилар йиғилган. Бугунги жамоалар ОЧЛ савиясидаги жамоалар эди. Ҳимоямиз борасида иш олиб борамиз. Бу чизиқни кучайтиришимиз лозим. 

Сергеев яна бир бора кучли футболчи эканлигини исботлади. Қолганларга келадиган бўлсак, ҳеч кимни ажратиб ўтирмоқчи эмасман. 

Ораховац? Яна айтаман, ҳимоямизга янги кучлар керак. Бугунги Аднан ва январдаги Аднан умуман бошқа бошқа футболчилар. Баъзи вазиятларда у хатто қутқариб ҳам қолди. 

Солиев тайёрмиди? Вазиятга қараб уни майдонга туширдик. Олдинга боришимиз шарт эди. Анварнинг тажрибасини ҳисобга олиб уни ўйинга қўйдик.

Искандеровсиз ўйнашга кўникиб қолдик. Унинг ўрни албатта билинади. Яқин орада у қайтиши керак. У машғулотларни бошлади. Яқин орада у тайёр бўлади.

Тожиев, Искандеров, Соҳибов, Болтабоев каби футболчиларнинг сафга қайтишини ўзмиз ҳам кутяпмиз. ўйлайманки, яқин орада, биринчи давра якунигача улар қайтишади.

ЖЧдаги йигитларга омад тилайман. Уларда яхши йигитлар йиғилган. Келинг, уларга биргаликда омад тилаймиз", дея ўз фикрларига якун ясади Бабаян.

Азиз Тўхтамуродов