Салим Мустафоев: "Терма жамоада ўйнашни орзу қиламан"

- "Ал Ҳилол"га қарши ўйин кутилганидек қийин ва оғир бўлди. Худога шукур ғалаба қозониб, ўзимиз учун керакли натижани қўлга киритдик. Бундан бениҳоятда хурсандмиз. Яратган вазиятлардан унумли фойдаланганимиз бизга қўл келди. "Ал Ҳилол" эса бу борада оқсади, яъни биринчи бўлимда дарвозамиз олдида ҳеч қандай хавф сола олишмади. Таблода 2:0 порлаганидан сўнг жамоамиз ҳимоядан ўйнади. Пенальти белгиланган вазият бўйича гапирадиган бўлсам, бу ерда 11-метрлик жарима зарбаси белгилаш учун ҳеч қандай асос йўқ эди. "Ал Ҳилол"ни зарарсизлантириш учун уларни асосан майдон марказидаёқ қарши олиб, юқори прессинг қўлладик.

"Ал Ҳилол"дек жамоани мағлубиятга учратгандан сўнг жамоамизнинг ўз кучига бўлган ишончи ортгани бор гап. Бу клуб осиёдаги энг кучли жамоалардан бири саналади. Футболда олдиндан бир нарса деб бўлмайди. Биз имкон қадар узоқроққа боришни истаймиз ва бунинг учун ҳаракатни тўхтатмаймиз.

Исталган футболчи бир нарсани орзу қилади. Бу ҳам бўлса терма жамоа шарафини ҳимоя қилиш. Менинг орзуим ҳам Ўзбекистон терма жамоаси сафида ўйнаш.