Салим Мустафоев: "Дербига хос ўйин бўлди"

Ушбу турда Тошкентнинг икки клуби "Локомотив" ва "Бунёдкор" баҳс олиб борди. Бўлиб ўтган баҳсда "темирйўлчилар" рақибларини 3:2 ҳисобида мағлубиятга учратишди. Ушбу учрашувдан сўнг "Локомотив" клуби футболчиси Салим Мустафоев ўз фикрларини билдириб ўтди.

"Бунёдкор"га қарши бўлиб ўтган учрашув мухлисларга ёқди, деб ўйлайман. Чунки ҳақиқий дербига хос ўйин бўлди. Иккала жамоа ҳам рақиб дарвозаларини ишғол қилишга эришди. Ўзбекистон кубоги финал баҳси олдидан бугунги учрашув икки жамоа учун ҳам синов ўйини бўлди. Финал баҳси бошқача бўлади, деб ўйлайман. Кубок финал баҳсига жиддий тайёргарлик кўрамиз ва ғалаба қозонишга ҳаракат қиламиз", - дейди Салим Мустафоев.

Кубок финал баҳсига жиддий тайёргарлик кўрамиз ва ғалаба қозонишга ҳаракат қиламиз

Жаҳонгир Сотволдиев ёзиб олди