Салиба жароҳати сабаб Миллатлар Лигаси финал босқичини ўтказиб юборади
22 май 16:02
Янгиликлар
Салиба жароҳати сабаб Миллатлар Лигаси финал босқичини ўтказиб юборади
"Арсенал" ва Франция терма жамоаси марказий ҳимоячиси Уильям Салиба миллий жамоасининг Миллатлар Лигасидаги муҳим ўйинларида иштирок эта олмайди.
Лондон клуби расмий сайти хабарига кўра, 23 ёшли футболчининг тиззаости пайида жароҳат аниқланган.
Салиба АПЛнинг 37-туридан ўрин олган "Ньюкасл"га қарши ўйинда (1:0) жароҳат олди. Биринчи бўлимдаёқ футболчи ўзини ноқулай ҳис қилди ва танаффусда алмаштирилди. "Арсенал"нинг тиббий жамоаси тикланиш учун камида бир неча ҳафта вақт кетишини тасдиқлади. Шу тариқа ҳимоячи Франция терма жамоасининг июндаги ўйинларида қатнашмайди.
Дидье Дешам шогирдлари 5 июнь куни "МХП-Арена"да Миллатлар Лигаси ярим финалида Испанияга қарши ўйнайди. Францияликлар ғалаба қозонса, финалда Германия-Португалия жуфтлиги ғолиби билан рўбарў келади. Финал 8 июнь куни "Альянц Арена"да бўлиб ўтади.
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
Бенту қўлдан чиқди, навбат Гжегож Бржэнчшчикиевичга
A Bola: Лёвдан сўнг Бенту ҳам Ўзбекистонга "йўқ" деди
Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"
Фикрлар