Саидкомил Акбаров энди "Шўртан"да ўйнайди

Айни кунларда қисқа танаффусга чиққан жамоамиз футболчилари дам олишмоқда. Клуб раҳбарияти ва мураббийлар штаби эса қизғин иш устида.

2008 йилдан бўён Бекободнинг “Металлург” жамоасида фаолият юритиб келаётган ва катта тажрибага эга бўлган ҳимоячи Саидкомил Акбаров “оқ бўрилар” сафига келиб қўшилди. У энди “Шўртан” клуби шарафини ҳимоя қилади.

Саидкомил Акбаров 1982 йил 30 декабрда таваллуд топган.

Хабарингиз бор, у бунгача Тожикистоннинг “Истиқлол” клуби кўригида ҳам бўлиб қайтган эди. Аммо у ердаги вазият унга ёқмаганлиги учун ортга қайтган эди.

Яна бир янгилик, бунгача Тошкентнинг “Локомотив” аъзоси ҳисобланган ва катта тажриба соҳиби Виктор Карпенко ҳам бундан бўён жамоамизда фаолият юритадиган бўлди. Бу футболчининг нималарга қодирлигини ҳам ҳамма билади. Бу футболчи ўтган мавсумда “темирйўлчилар” сафида 20 марта майдонга тушиб, 1та гол урган эди.

Жамоа селекция ишлари давом этмоқда.