Рустам Умаров: "Осиё чемпионати қуръаси менга ёқди"

"Қуръа менга ёқди. Гуруҳимиз яхши. Асосий рақибларимиз Япония бўлади. Ашхободдаги мусобақада ушбу жамоанинг ёшларини мағлуб этгандик. Лекин миллий терма жамоаси жуда кучли. Қолган рақибларни ҳам унутмаслик керак. Гуруҳда биринчи ўринни олишимиз керак. Биз учун яхши томони чорак финалга чиқсак "A" гуруҳидаги жамоаларга қарши ўйнаймиз. Бу ерда у қадар кучли жамоалар йўқ.

Бизнинг таркибимиз анчайин катта ўзгаришларга дуч келди. Бизга осон бўлмайди. Осиё чемпионатига кимларни олиб кетишни мураббийлар ҳал қилишади. 18 декабрдан Янги йил байрамига қадар Тошкентда йиғин ўтказамиз. Январь ойида тўлиқ февраль ойи бошига қадар осиё чемпионатига ҳозирлик кўрамиз", - дейди Рустам Умаров.  

Эслатиб ўтамиз, Ўзбекистон терма жамоаси "B" гуруҳида Япония, Тожикистон ва Жанубий Корея билан ўйнайди. Маълумот учун, футзал бўйича Осиё чемпионати–2018 мусобақаси 1–11 февраль кунлари бўлиб ўтади.