Рустам Мирсодиқов: "Сўғдиёна"да ғалабага иштиёқ кучли эди"

- “Сўғдиёна” учун ғалаба сув ва ҳаводек зарур эканлигини ва бутун ўйин давомида улар ҳужумкор ўйин намойиш этишларини билардик. Катта босимга пухта ҳозирлик кўриб, учрашувни қарши ҳужумда ташкил этиш режасини ҳам тузиб қўйгандик. Йигитлар буни уддалашди. Биринчи таймда ҳисобни очолмаган майдон эгалари иккинчи таймда ҳимояни унутиб ҳужумга ўтиб кетишди. Бундан унумли фойдаланиб гол киритиб олдик. Аммо қанот ҳакамининг офсайдни кўрмаслиги натижасида “Сўғдиёна” ҳисобни тенглаштириб олди. руҳий тушкунликка тушган футболчиларимиз эса учрашув охирида яна битта тўп ўтказиб юборишди.

Жамаомизда жароҳатланган футболчилар анчагина. Бугун асосий дарвозабонимиз Маъмур Икромов, тажрибали ўйинчиларимиз Шуҳрат Йўлдошев, Одил Исабоев, Сардор Расулов, Миртўра Акбаров, Александр Ковалевларнинг ёрдамидан фойдалана олмадик. Мағлубиятда дарвозабонини ва ҳимоячиларни айбламайман. Улар қўлидан келганини қилишди. Аммо майдоннинг нотекислиги натижасида чиройли футбол намойиш этишнинг имкони бўлмади. Мезбонлар эса бу ҳолатга кўникиб қолишган. Шу нарса ҳам мағлубиятимизга сабаб бўлди.