Рустам Меҳмонов: "Гадоев камида 45 кун майдонга туша олмайди"

Шундан сўнг, миллий терма жамоамизга номзод бўлган Гадоевни катта эхтимол билан бир ой муддатга сафдан чиққани хусусида маълумотлар тарқалди.

Бунга аниқлик киритиш мақсадида "Насаф" клуби шифокори Рустам Меҳмонов билан боғландик.

- Рустам ака, кеча Шохруҳ Гадоев жароҳат олиб майдонни эрта тарк этишга мажбур бўлди. Айтингчи унинг жароҳати қай даражада жиддий?
- Ҳа, афсуски кечаги ўйинда Шохруҳ оёғидан жиддий шикастланди. Жароҳат олган пайтидаёқ уни шаҳардаги клиник шифохонага олиб бордик, ва у ерда жароҳат олган ўнг оёғини рентген қилдирдик. Шундан сўнг маълум бўлдики, Гадоевнинг ўнг оёғидаги, болдирининг пастки кичик суяги синган. Шу боис уни гипс қилишга мажбур бўлдик.

- Даволаниш жараёни қанча муддатни ўз ичига қамраб олади?
- Энди футболчимиз камида 45 кун майдон ташқарисида бўлади. 25 сентябр куни бўлиб ўтадиган Кубок финалида ҳам Гадоевнинг майдонга тушиши сўроқ остида. Энди бу масала жароҳатнинг қанчалик тез битишига боғлиқ бўлади.

Исломбек Рустамбеков суҳбатлашди.