Рустам Истамов: «Тезкор голлардан кейин «Динамо» ўзини йўқотиб қўйди»

«Бугун «Динамо» учун жуда омадсиз кун эди. Дастлабки дақиқаларда ўтказиб юборилган икки голдан кейин жамоа ўзини буткул йўқотиб қўйди. Вазиятни ўзгартириш учун қилинган ҳаракатлар ўзини оқламади. Бунинг учун мухлисларимиздан узр сўраймиз» - дейди Рустам Эргашович.

- Кечаги Ёшлар лигаси баҳсида ҳам, бугунги ўйинда ҳам Равшан Ҳайдаров шу ерда эди. Ушбу мураббий ҳали ҳам жамоага ёрдам бераяптими?

- Дарҳақиқат, Равшан Акмалович ўринбосарлар баҳсида ҳам, жамоамизнинг машғулотларида ҳам эди. Ушбу мутахассис керакли маслаҳатлари ва ёрдамини жамоадан аямайди.

Мураббийлар штаби ўйинни тўлиқ таҳлил қилиб, хатолар устида ишлашади. Ҳозир бу ўйинни унутиб, эндигина бошланган иккинчи даврани муваффақиятли ўтказиш учун бор куч ва имкониятларимизни ишга соламиз.