Руни ЖЧ-2006'да Роналду билан боғлиқ можарони эслади
28 мар 2022 09:45
Янгиликлар

Руни ЖЧ-2006'да Роналду билан боғлиқ можарони эслади

Англия ТЖ собиқ форварди Уэйн Руни 2006 йилдаги мундиалда юз берган воқеа ҳақида гапирди.

Мусобақа доирасида ўтган Португалияга қарши баҳсдаги эпизодлардан бирида Криштиану Роналду арбитрдан Рунини четлатишни сўраганди.

“Ўша учрашувдан кейин тезда гаплашиб олганмиз. Бу трибуна остида эди. Унга нисбатан ҳеч қандай ҳусуматим йўқлигини айтдим, гарчи унинг ҳаракатлари ўринсиз бўлса-да. Гап шундаки, 1-тайм давомида мен уни жазоланишини хоҳладим. Нимага? Йиқилавергани учун. Ҳа, Криштиану "шўнғиш"ни яхши кўрарди”, дейди Руни.

Эслатиб ўтамиз, чорак финал баҳсининг асосий ва қўшимча бўлимларида ҳисоб очилмаган. Руни 61-дақиқада майдондан четлатилган ҳамда ўйиндан кейинги пенальтилар сериясида португаллар 3:1 ҳисобида зафар қучган.

Ҳавола :

Манба : The Sun

Янгиликларни Телеграмда ўқинг!

Рейтинг: +16