РПЛ. Энг яхши тўпурарлар билан танишинг
23 июл 2020 00:00
Янгиликлар

"Зенит" ҳужумчиси Сердар Азмун ушбу мавсумнинг энг яхши тўпурарига айланди.
Эронлик футболчи жами 17 та гол урган (1 таси пенальти). Унинг жамоадоши Артём Дзюба ҳисобида ҳам худди шунча гол бор, аммо россиялик форвард голларининг 7 тасини пенальтидан киритган.
Шу туфайли Азмун фаолияти давомида биринчи бор РПЛнинг энг яхши тўпурари деб топилди.
Бомбардирлар пойгасида 3-поғонани "Арсенал" (Тула) ҳужумчиси Евгений Луценко банд қилди, у 28 ўйинда 15 та гол уришни уддасидан чиққан. Ҳамюртимиз Элдор Шомуродов эса 11 гол билан тўпурарлар рўйхатида 7-ўринни эгаллади. Ундан олдинги ўринларда 12 тадан гол билан Александр Соболев, Алексей Миранчук ва Никола Влашичлар ҳам бор.

Эслатиб ўтамиз, Элдор РПЛдаги сўнгги голини 29 февраль куни киритганди. Шундан кейин қаторасига 8 ўйинда майдонни голсиз тарк этди.
Ўхшаш янгиликлар
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Фикрлар