66-дақиқада захирадан майдонга тушган Артём Дзюба кўп ўтмай рақиб дарвозасини ишғол этди. Бу 33 ёшли футболчининг Россия чемпионатида урган 144-голи бўлди ва у мазкур натижа бўйича мусобақа рекордини янгилади. Аввалги энг яхши натижа эса “Ротор” собиқ ҳужумчиси Олег Веретенников (143 та гол) тегишли эди.
Дзюба “Зенит”дан ташқари, “Спартак”, “Томь”, “Ростов” ва “Арсенал” (Тула) каби жамоалар шарафини ҳимоя қилган.
