UZ

Сўнгги янгиликлар

11:29"Фенербахче" "Ал Насср" ҳужумчисини ижарага олди  0 11:09Ўзбекистон ва Озарбайжон U-20 Жаҳон чемпионатини биргаликда ўтказиш бўйича ФИФАга ариза топширди  2 10:44Файзуллаевга "Истанбул"дан расмий таклиф кутилмоқда: ЦСКА эса уни сақлаб қолмоқчи  8 10:20Анри: "Гвардиола — тарихдаги энг яхши мураббий"  5 09:58Томас Мюллер фаолиятини якунлади — “Бавария” афсонаси сўнгги сўзини айтди  7 09:35ПСЖ "Реал Мадрид" юлдузини қўлга киритишни режалаштирмоқда  15 09:05Одил Ҳамробеков учун кураш: "Трактор" "Бунёдкор"га расмий таклиф юборди  11 08:35Факт: "Динамо" ва Абрамовнинг "Насаф" билан ўйинлардаги ноҳуш анъанаси давом этди  2 08:10Фламарион ва Сергеевнинг голлари "шерлар"га "Навбаҳор" устидан ғалаба келтирган учрашувдан галерея  10 08:00"Навбаҳор" "Пахтакор"га ютқазди, Самарқанддаги ўйинда эса Мозговой "Насаф"ни мағлубиятдан қутқариб қолди  15 07:30Суперлига. Бугун "Нефтчи" "Насаф"га яқинлашиб олиши мумкин  8 02:45Вадим Абрамов: "Насаф"ни узоқлаштириб юбормадик, ҳали умид бор"  8 01:43Фламарион нима сабабдан кўп ўйинларда қайдномага киритилмагани ва Габриэль Жезус билан муносабати ҳақида гапирди  0 01:38Азим Аҳмедов: "Навбаҳор"нинг биринчи даврадаги иштирокини 7-8 баллга баҳолаган бўлардим"  2 01:27Камолиддин Тожиев: "Биз ҳали чемпионлик пойгасини тарк этмадик. Абдиҳолиқов 100% ҳал бўлди"  2

Рўзиқул Бердиев: "Вазиятлар яратишда рақибдан устунлик қилдик" Янгиликлар

Рўзиқул Бердиев: "Вазиятлар яратишда рақибдан устунлик қилдик"

Суперлиганинг 18-туридан ўрин олган "Насаф" - "Қизилқум" (2:1) учрашувидан сўнг мезбонлар бош мураббийи Рўзиқул Бердиев фикрларини билдириб ўтди.

"Тажрибали ва кучли жамоага қарши майдонга чиқдик. Оғир ўйин бўлди. Биринчи бўлимдаги устунлигимизни охиригача ушлаб қола олдик. Дарвозамиздан гол ўтказган бўлсак-да, ғалабани сақлаб қолдик. Истаймизми-йўқми йигитларнинг хаёлида кейинги учрашувга тайёргарлик бўлади. Вазиятлар яратишда рақибдан анча устунлик қилдик. Бир нечта вазиятларда Игнатий Нестеров жуда яхши ҳаракат қилди. Ғалаба билан барчани табриклайман", – дейди Рўзиқул Бердиев. 

- Кеча ўринбосарлар жамоасида Шаҳбоз Нуриддинов жуда яхши ўйин кўрсатди. Учта гол билан хет-трикка эришди. Ушбу футболчини кейинги турларда синаб кўрасизми?

- Албатта. Биласизлар, ўринбосарлар жамоасининг ҳар бир учрашувини кўргани бораман. Ёшларни барчасини кузатяпмиз. Ўсадиганларни асосий таркибга жалб қиламиз. Асосий мақсадимиз ҳам шу. Шаҳбоз Нуриддинов ҳақиқатдан ҳам ғалабага муносиб ҳисса қўшди. Уларнинг барчаси эътиборимизда. 

- ОФК кубоги олдидан жамоанинг кайфияти қандай? Рақибни қай даражада ўргандинглар?

- Рақиб жамоа иштирокидаги иккита учрашувни тўлиқ кўриб чиқдим. Жуда ҳам тажрибали жамоа. Кучли легионерлар йиғилган. Ҳиндистоннинг энг йирик бой, етакчи клубларидан бири ҳисобланади. Барчасини йигитларга кўрсатамиз. 

- Бугун Ҳусайн Норчаевни захирага олиб, легионер хизматидан фойдаландингиз. Ушбу икки футболчининг тандемини қандай баҳолайсиз?

- Баъзи ўйинларда бирга ҳаракат қилишмоқда. "Турон" билан ўйинда ҳам ёмон тўп тепишмади. Бугун рақибни ва навбатдаги баҳсни ҳисобга олган ҳолда? битта ҳужумчи билан ўйнашга қарор қилдик. Футболчиларнинг тайёргарлигига ва имкониятига қараб, яна фойдаланамиз. 

- Учрашувдан сўнг Игнатий Нестеров билан илиқ хайрлашдингиз, лекин у сизга ниманидир тушунтиришга ҳаракат қилди. Норози кайфиятда кўринди...

- Норози эмас. Ёш футболчиларингиз жуда ҳам тажовузкор ҳаракат қиляпти, деди. Футбол курашларга бой бўлиши керак. Қаердадир ёшларимиз нотўғри ҳаракат қилган бўлса, узр сўрайман. Байдуллаев ёки Нестеров, деб курашмаслик нотўғри-ку. Эркин Байдуллаев ўз вақтида жамоамизда етакчи бўлган. Футболчилар билан муносабатимиз яхши. Бир-биримизга омад тиладик. 

- Муҳим учрашув олдидан йўқотишлар йўқми?

- Баъзи бир ёшларимизда кичик жароҳатлар бор. Ўйлайманки, ўйингача тикланишади. Дарвозабоннинг жароҳати жиддий. Москвада кўрикда бўлиб қайтади.

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика