Рўзиқул Бердиев: “Мухлисларга алоҳида миннатдорчилик билдираман”

-Бу йилги мавсумда чемпионатни соврин ўринларда якунлашимизда энг аввало мухлисларимизнинг ўрни катта бўлди. Уларга алоҳида раҳмат дейман, -дейди Рўзиқул Саъдуллаевич. -Ўйин ҳақида тўхталадиган бўлсак, об-ҳаво майдонда футболчиларнинг эркин ҳаракат қилишларига тўсқинлик, қилсада йиғилганлар чиройли футбол гувоҳи бўлишди. “Олмалиқ” ҳар қандай рақибга қаршилик кўрсатадиган, очиқ футбол намойиш этадиган жамоа. Шунинг учун ҳам бугун кўплаб голларга гувоҳ бўлдик. Бугунги ўйинда мақсадимиз мухлисларни хурсанд қилиш эди. Менимча, ҳеч ким стадиондан ҳафа бўлиб кетмади. Жамоамиз аъзолари декабрь ойига қадар таътилга чиқишади. Сўнгра янги мавсум аввалида янги режа ва мақсадларимизни амалга оширишга киришамиз.