Рўзиқул Бердиев: “Бугунги ўйинда яхши ҳимояландик”
17 сен 2017 08:16
Янгиликлар

Рўзиқул Бердиев: “Бугунги ўйинда яхши ҳимояландик”

“Насаф” – “Локомотив” учрашуви якунига бағишланган матбуот анжуманининг иккинчи қисмида жамоамиз устози Рўзиқул Бердиев иштирок этди ва ўйин ҳақидаги қуйидаги фикрларни билдирди.

-Аввало мухлисларимизни бугунги ғалаба билан табриклайман. Бугунги ўйинга тузган режамиз амалга ошди. Режамиз шундан иборат эдики, бугун биз ҳимояда хато қилмасдан, қарши ҳужумлар орқали рақибни жазолаш эди. Нимагаки, “Локомотив”дек жамоа билан очиқ футбол ўйнаш, кўнгилсиз натижага олиб келади. Чунки, жамоада тажрибали ўйинчилар кўпчиликни ташкил этади. Режамизни уддаладик. Бугунги ўйинда яхши ҳимояландик. Стадионга ташриф буюрган мухлисларимизни хурсанд эта олдик. Бу биз учун жуда ёқимли.

Бугун Кенжабоев мухлисларда яхши таасурот қолдирди, у астойдил ҳаракат қилди. Ушбу ўйинчимизнинг индивидуал ҳаракатлари ҳам яхши шаклланаяпти. Унга ишонч билдиришда давом этамиз. Бундай иқтидорли ёшлар бизда кўп. Ўзини кўрсатган ёшларимизга шундай ишонч билдиришда давом этаверамиз.