"Ростов" Карпиннинг жамоадан кетиши ҳақидаги гап-сўзларга изоҳ берди

"Олдинроқ ОАВда клуб раҳбарияти ва бош мураббийининг "Ростов"дан кетиши борасидаги нотўғри маълумотлар тарқади. "Ростов" президенти Арташес Арутюнянц бу маълумотни рад этди", - дейилади клуб хабарида.

Карпин "Ростов"ни 2017 йилнинг декабридан бери бошқаради. Мутахассиснинг клуб билан тузган шартномаси 2025 йилга қадар мўлжалланган.

Эслатиб ўтамиз, "Ростов" Премьер-лигада 28 турдан сўнг 44 очко жамғарган ҳолда 5-ўринда бормоқда.