Россияда стадионларни ЖЧ-2018га тайёрлаш давом этмоқда (ФОТО)

Ҳозирда еттита стадионда иш қизғин давом этмоқда. "Ростов Арена" ва "Нижний Новгород" стадионларига яқинда чим ётқизилди. Жаҳон чемпионати баҳсларини ўтказиш учун бешта стадион деярли тайёр. Энди қолган еттита ўйингоҳни ҳар томонлама мукаммал ҳолатга келтириш талаб этилади. 

Ҳаво бирмунча илиқ бўлгани учун "Екатеринбург Арена"даги майса анча бўй чўзиб қолди. Мутахассислар шунингдек, "Калининград" стадионига ҳам майса ётқизмоқчи, лекин бу иш кейинги ҳафтага қолдирилди. Ҳозирда стадионни вазни 15 минг тонна бўлган металл билан ёпиш ишлари олиб борилмоқда. 

Ишчилар "Волгоград Арена"нинг деворини ёпиб бўлишди, унинг энг баланд нуқтаси 49,5 метрни ташкил этди. Энди 77 минг кв. метрдан иборат томни ёпиш қолди холос. "Мордавия Арена"да эса 1496 киши стадионни жаҳон чемпионатига шай ҳолда келтириш учун меҳнат қилмоқда.

Хуллас ҳамма жойда стадионларни мундиалга тайёрлаш давом этяпти. Мутахассисларнинг айтишича, жаҳон чемпионатига қадар барча стадионлар рисоладагидек бўлади. 

"Самара Арена" атрофини кранлар ўраб олган

"Ростов Арена"нинг томи деярли ёпиб бўлинди

"Калининград Стэдиум"да ҳам иш қизғин кетмоқда

Тез орада Нижний Новгородда ҳам ҳашаматли стадион барпо этилади 

Екатеринбургдаги стадионнинг юқоридан кўриниши

"Волгоград Арена" шундоқ дарё бўйида қад ростламоқда

"Лужники" стадионига янги чим ётқизилди