Роналду "Юве"дан кетадими? Рафиқаси жавоб берди
30 май 2021 19:16
Янгиликлар

Роналду "Юве"дан кетадими? Рафиқаси жавоб берди

"Криштиану "Ювентус"да қолади", — дея Родригеснинг сўзларидан иқтибос келтиради ESPN.

Туриннинг "Ювентус" клуби ва Португалия терма жамоаси ҳужумчиси Криштиану Роналдунинг рафиқаси Жоржина Родригеснинг айтишича, футболчи "кекса синьора" сафида қолади.

Роналдунинг "Ювентус" билан амалдаги шартномаси 2022 йил ёзигача амал қилади. Эслатиб ўтамиз, 36 ёшли португалиялик ҳужумчи "Спортинг" тарбияланувчиси ҳисобланади. Роналду "Ювентус"да 2018 йилдан буён ҳаракат қилади, у итальян жамоасига Мадриднинг "Реал" клубидан 117 млн евро эвазига келиб қўшилган. У 29 гол билан А Сериянинг 2020/2021 йилги мавсумдаги тўпурари бўлди.

Аввалроқ Роналдунинг хизматларига "Манчестер Юнайтед", "Спортинг" ва "Рома" клублари қизиқиш билдирганди, ҳужумчининг ўзи эса манкунианлар сафига қайтишни истаётгани ҳақида хабарлар тарқалганди.